Сәрсен Әбдіхалықовтың 100 жасқа толуына арналған еске алу спорттық жарыс

Түрген ауылдық округы бойынша Таутүрген ауылының тумасы, ҰОС-ның ардагері,  1945 ж. 24 маусымда Москва Қызыл алаңында Ұлы Жеңіс парадына қатысып, мотоциклмен өткен жалғыз қазақ майдангер, Қазақстан КСРО үздік мұғалімі значогымен марапатталған, 40 жыл ұстаздық еткен еңбек ардагері, Еңбекшіқазақ ауданының Құрметті азаматы Сәрсен Әбдіхалықовтың 100 жасқа толуына арналған еске алу спорттық жарысы өтті.  Мақсаты:  бұқаралық туризмді насихаттау, Рухани жаңғыру аясында Ұлы Отан соғысының  ұрпақтар сабақтастығын жандандыру, жастарға еңбек жолдарын дәріптеу,үлкенге құрмет көрсету,Отанын қадірлеп, елжандыққа,ептілік пен төзімділікке, салауатты өмір салтын ұстануға тәрбиелеу. Оқушылар арасында достық қарым-қатынасты нығайту.